بڕیارە سبەی
یەكشەممە، محەمەد جەواد زەریف، وەزیری دەرەوەی ئێران سەردانی عێراق بكات و وتەبێژی
وەزارەتی دەرەوەی عێراقیش ئەجێندای سەردانەكەی ئاشكرادەكات.
ئاوێنە: ئەحمەد
سەحاف، وتەبێژی وەزارەتی
دەرەوەی عێراق رایگەیاند: سەردانەكەی زەریف بۆ عیراق لەچوارچێوەی پتەوكردنی پەیوەندییە
دو قۆڵییەكانی هەر دو وڵاتە.
راشیگەیاند: لەمیانی
سەردانەكەیدا بۆ عیراق ئاڵانگارییە هاوبەشەكان و ئەگەرەكانی بونیتانانی ئەو هەلانەی
لەبەردەستدان تاوتوێ دەكرێن كە رەنگدانەوەی لەسەر بەرژەوەندییە هاوبەشەكانی هەردو
لا دەبێت.
وەزارەتی
دەرەوەی عێراق ئەوەی خستۆتەڕو: وەزیری دەرەوەی ئێران چاوی بەهەر سێ سەرۆكایەتییەكەی
عیراق و وەزیری دەرەوە دەكەوێت.
لەلای خۆیشییەوە ئیرەج مەسجدی، باڵیۆزی ئێران لەبەغدا، لەبارەی سەردانەكەی وەزیری دەرەوەی وڵاتەكەیەوە، لە تویتێكدا وتویەتی: سەردانەكەی زەریف بۆ پتەوكردنی پەیوەندییە ستراتیژییەكانی نێوان عێراق و ئێرانە لەسەرجەم بوارەكاندا.