پەرلەمانی میسر، ئەمڕۆ دوشەممە، ناردنی هێزی وڵاتەكەی بۆ دەرەوەی سنورەكانی،
بەمەبەستی روبەڕوبونەوەی "میلیشیا تاوانكارەكان" و "چەكدارانی
تیرۆریستی بیانی" پەسەندكرد.
ئاوێنە: پەرلەمانی میسر لە بەیاننامەیەكدا رایگەیاند: بە كۆی دەنگ ناردنی
هێزی بۆ دەرەوەی سنوری وڵاتەكەی لە "ئاڕاستەی رۆژئاوای ستراتیژی"یەوە
پەسەندكردوە، ئەوەش وەك ئاماژەیەك بۆ لیبیا.
بەیاننامەكە ئاماژەی بەوەشداوە كە هێزە چەكدارەكانی میسر و فەرماندەییەكەی،
لەڕوی دەستورو یاساوە رێگەپێدراون بۆ دیاریكردنی كات و شوێنی وەڵامدانەوەی ئەو
هەڕەشەو مەترسیانەی لەسەر میسر و دۆست و دراوسێكانی هەن.