2020-07-21 304
لە شاری ناسرییە سەنتەری پارێزگای زیقار باشووری عێراق لە میانی ٢٤ كاتژمێری رابردوودا، ٥٧ حاڵەتی دیكەی تووشبوون بە ڤایرۆسی كۆرۆنای نوێ تۆمار كرا.
ئاوێنه: لەمبارەیەوە سەرچاوەیەكی پزیشكیی لە پارێزگای زیقار بە میدیاكانی خۆجێی راگەیاندووە كە لە شاری ناسرییە لە میانی ٢٤ كاتژمێری رابردوودا، ٥٧ كەسی دیكە تووشی ڤایرۆسی كۆرۆنای نوێ بوون و دوو كەسی دیكەیش بەهۆی ڤایرۆسەکەوە گیانیان لەدەستداوە.
سەبارەت بە ژمارەی تووشبووان بە ڤایرۆسی کۆرۆنای نوێ، عێراق لەنێو وڵاتانی جیهاندا ریزبەندی ٢٣یەمی گرتووە کە بەپێی دوایین ئامارەكان، تا ئێستا ٩٤ هەزار و ٦٩٣ كەس تووشی ڤایرۆسەکە بوون و لەو ژمارەیەیش سێ هەزار و ٨٦٩ كەس گیانیان لەدەستداوە و ٦٢ هەزار و ٨٣٦یش چاكبوونەتەوە.