وەزارەتی تەندروستی عێراق ئاماری ٢٤ کاتژمێری ڕابردووی توشبوون و چاکبونەوە و مردنی بە کۆرۆنا ڕاگەیاند و بەپێی ئامارەکە ٢٣٦١ کەسی نوێ توشی ڤایرۆسەکە بوون.
ئاوێنه: وەزارەتی تەندروستی عێراق تووشبوونی دوو هەزار و ٣٦١ کەس و گیان لەدەستدانی ٨٠ کەسی دیکەی بە ڤایرۆسی کۆرۆنا راگەیاند، کۆی توشبوانی پەتاکەش لە عێراق گەیشتە ١٠٢ هەزار ٢٢٦ کەس.
وەزارەتی تەندروستی عێراق لە راگەیەنراوێکدا رایگەیاند، ئەمڕۆ ١٦ هەزار و ٩٩٧ پشکنین کراوە، لەو رێژەیەش دو هەزار و ٣٦١ توشبو تۆمارکراوە، کە زۆرترینیان لە بەغداد ٦٢٣ کەس، کەرکوک ١٢٦ کەس.
ئەوەش هاتوە، لەو ماوەیەدا دوو هەزار و ٢٥٨ توشبو چاکبونەتەوە و ٨٠ توشبوش گیانیان لەدەستداوە کە زۆرترینیان لە پارێزگاکانی بەغداد، بەسڕە، کەرکوک بون.
تائێستا لە عێراق ١٠٢ هەزار ٢٢٦ کەس توشی کۆرۆنا بون، لەو ژمارەیەش ٦٩ هەزار و ٤٠٥ توشبو چاکبونەتەوە و ٤ هەزار و ١٢٢ توشبوش گیانی لەدەستداوە.