شانەی راگەیاندنی ئەمنی عێراق، رایگەیاند: ئێوارەی ئەمڕۆ یەكشەممە، دو
تەقینەوە لە بنكەیەكی سەربازی لە باشوری بەغدا رویانداوەو بەبێ ئەوەی سروشتی
تەقینەوەكان و زیانەكانیان ئاشكرابكات.
ئاوێنە: شانەی راگەیاندنی ئەمنی، لە بەیاننامەیەكی كورتدا رایگەیاند: سەهات
6:40 خولەكی ئێوارەی ئەمڕۆ یەكشەممە 26ی تەمموزی 2020، دو تەقینەوەی یەك لەدوای
یەك لەناوچەی "سەیدیە" لە نزیك هێڵی خێرای حیللە-بەغدا و بەدیاریكراوی
لەناو بنكەی سەربازی "سەقەر" رویانداوە.
لەگەڵ ئەوەش بەیاننامەكە، سروشتی تەقینەوەكان و زیانەكانیانی نەخستۆتەڕو و
ئاماژەی بەوەشداوە كە ئەوەی بڵاویكردۆتەوە زانیاری سەرەتایین.