دارایی سیستمی ئۆنلاینی بۆ وەرگرتنی رەزامەندی بۆ خەرجیی فەرمانگەكان خستە بواری جێبەجێكردن
  2020-07-29       270       

وەزارەتی دارایی و ئابوری سیستمی ئۆنلاینی بۆ وه‌رگرتنی ره‌زامه‌ندی بۆ خه‌رجی داموده‌زگاكانی حكومه‌ت خسته‌ بواری جێبه‌جێكردنه‌وه‌و ئەمڕۆش وەزیری دارایی رەزامەندی لەسەر یەكەمین داواكاری بە سیستمی ئۆنلاین دا.

ئاوێنە: بەگوێرەی راگەیەندراوێكی وەزارەتی دارایی و ئابوری حكومەتی هەرێمی كوردستان، وەزارەتەكە سیستمی ئۆنلاینی بۆ وه‌رگرتنی ره‌زامه‌ندیی بۆ خه‌رجییه‌كانی داموده‌زگاكانی حكومه‌ت خسته‌ بواری جێبه‌جێكردنه‌وه.‌

ئاوات شێخ جه‌ناب، وه‌زیری دارایی و ئابوری ئەمڕۆ چوارشه‌ممه 29 ته‌موزی 2020 ره‌زامه‌ندی له‌سه‌ر جێبه‌حێكردنی یه‌كه‌مین داواكاری به‌ سیستمی ئۆنلاین بۆ خه‌رجییه‌كانی حكومه‌ت دا.

وه‌زاره‌تی دارایی و ئابوری له‌سه‌ر بڕیاری ئه‌نجومه‌نی وه‌زیران، به‌ هه‌ماهه‌نگی له‌گه‌ڵ فه‌رمانگه‌ی ته‌كنولۆجیای زانیاری، خولێکی تایبەت بۆ نوێنەرانی سەرجەم وه‌زاره‌ت و ده‌سته و فه‌رمانگه‌ نه‌به‌ستراوه‌كانی وه‌زاره‌ت لەماوەی رابردودا بۆ بەکارهێنانی سیستمی ئەلیکترۆنی  (IIS) بۆ وه‌رگرتنی ره‌زامه‌ندیی له‌سه‌ر خه‌رجییه‌كانی به‌ركاربردنیان كرده‌وه‌.

سیستمی ئۆنلاین بۆ چۆنییه‌تی وه‌رگرتنی ره‌زامه‌ندیی داواكاری خه‌رجی له‌لایه‌ن وه‌زاره‌ت و ده‌ستەو فه‌رمانگه‌ نه‌به‌ستراوه‌كانی وه‌زاره‌ت لەچوارچێوەی جێبەجێکردنی کارنامەی کابینەی نۆیه‌م و بەئامانجی برەودان بە شەفافییەت و کەمکردنەوەی ڕۆتین و ڕاییکردنی کارەکان بە خێرایی لە بواری خەرجییە بەکاربەرەکییەکانی حکومەت و کەمکردنەوەی خەرجیەکان بڕیاری له‌سه‌ر دراوه‌.

به‌پێی ئه‌م سیستمه‌، دیوانی وه‌زاره‌ت و ده‌سته‌و فه‌رمانگه‌ نه‌به‌ستراوه‌كانی وه‌زاره‌ت، داواكاری خه‌رجی به‌ سیستمی ئۆنلاین بۆ وه‌زاره‌تی دارایی و ئابوری ره‌وانه‌ ده‌كه‌ن و دوای وردبینی بڕیاری له‌سه‌ر ده‌درێت.

زۆرترین بینراو
© 2020 Awene Online, Inc. All Rights Reserved.
×