بازاڕی میوە و سەوزەفرۆشانی قەزای شارەزور ئەمڕۆ شەممە گڕیگرت و تیمەكانی ئاگركوژێنەوە و بەرگری شارستانی سەرقاڵی كۆنترۆڵكردنی ئاگرەكە بون.
ئاوێنه: بەگوێرەی زانیارییەكان، بەهۆی ئاگرەكەوە ژمارەیەك لە دوكانەكانی ئەو بازاڕە سوتاون، تا ئێستاش ئەندازەی زیانە گیانی و داراییەكانی ئەو روداوە نادیارە، دۆسیەی لێكۆڵینەوەش لە روداوەكە كراوەتەوە.
ئەوە لەكاتێدایە، مانگی نیسانی ساڵی رابردوش، لە هەمان بازاڕ و بە هەمانشێوە ئاگر كەوتەوە و زیانی دارایی لێكەوتەوە.
