وەزارەتی نەوتی عێراق بڕی داهات و هەناردەی نەوتی بۆ مانگی تەمموز ئاشكراكردو دەشڵێت: وێڕای كەمكردنەوەی ئاستی بەرهەمهێنان و هەناردەی نەوت بەهۆی پابەندبون بە رێككەوتنی "ئۆپیك پڵەس"ەوە، بەڵام داهاتی فرۆشی نەوت لە مانگی تەمموزدا بەراورد بە داهاتی چەند مانگی رابردو زیادی كردوە.

ئاوێنە: وەزارەتی نەوتی عێراق، ئەمڕۆ شەممە، لە راگەیەندراوێكدا ئاشكرایكرد: كۆی گشتی هەناردەی نەوت لەمانگی رابردودا 85 ملیۆن و 663 هەزارو 290 بەرمیل بوەو داهاتەكەشی سێ ملیارو 487 ملیۆن و 139 هەزار دۆلار بوە.

عاسم جیهاد، وتەبێژی وەزارەتەكە رایگەیاندوە: وێڕای كەمكردنەوەی ئاستی بەرهەمهێنان و هەناردەی نەوت بەهۆی پابەندبون بە رێككەوتنی "ئۆپیك پڵەس"ەوە، بەڵام داهاتی نەوتی مانگی تەمموز بەراورد بە مانگەكانی رابردو زیادی كردوە.

عاسم جیهاد ئاماژەی بەوەداوە كە لەمانگی تەمموزدا تێكڕای هەناردەی رۆژانەی نەوت دو ملیۆن و 763 بەرمیل بوەو تێكڕای نرخی فرۆشتنی یەك بەرمیلیش لەو مانگەدا 40.708 دۆلار بوە.