ژمارەی قوربانییانی تەقینەوەكەی بەیروت لە بەرزبوونەوەدایە
  2020-08-05       265       

جۆرج كتانە، سكرتێری گشتیی رێكخراوی خاچی سووری لوبنان رایگەیاند، “ژمارەی قوربانییانی تەقینەوەكەی دوێنێی بەیروت گەیشتە، ١٠٠ كوژراو و چوار هەزار بریندار”.

ئاوێنه‌: جۆرج كتانە لە لێدوانێكی رۆژنامەوانییدا دوایین ئاماری سەبارەت بە ژمارەی قوربانییانی تەقینەوەكەی بەندەری شاری بەیروت خستەڕوو و وتی، “بەپێی دوایین ئامار، ژمارەی ئەو كەسانەی كە لە تەقینەوەكەی دوێنێی بەیروت-دا گیانیان لەدەستداوە بەرزبووەتەوە بۆ ١٠٠ كەس و ژمارەی بریندارەكانیش گەیشتووەتە چوار هەزار كەس”.

 دوێنێ‌ سێشەممە تەقینەوەیەكی بەهێز لە بەندەری شاری بەیروت پایتەختی لوبنان رووی دا و بەهۆیەوە جگە لە زیانێكی زۆر گیانی، هەروەها زیانێكی زۆری ماددیشی لێكەوتەوە.

پێشتر حەسان دیاب، سەرۆكوەزیرانی لوبنان بەهۆی تەقینەوەكەوە، ئەمڕۆ چوارشەممەی بە ”پرسەی نیشتمانی”ی لە وڵاتدا راگەیاندبوو.

زۆرترین بینراو
© 2020 Awene Online, Inc. All Rights Reserved.
×