پەروەردەی هەولێر تاقیكردنەوەكانی خولی دوەمی پۆلە ناكۆتاكانی دواخست
  2020-08-06       252       

پەروەردەی هەولێر بڕیاریدا بە دواخستنی تاقیكردنەوەكانی خولی دوەمی پۆلە ناكۆتاكان بۆ 16ی 8ی 2020.

ئاوێنە: بەڕێوەبەرایەتی گشتی پەروەردەی هەولێر، پاشنیوەڕۆی ئەمڕۆ پێنجشەممە، لە راگەیەندراوێكدا ئاشكرایكرد "تاقیکردنەوەکانی خولی دوەمی پۆلە ناکۆتاکان لە ٤ی بنەڕەتی تا ١١ی ئامادەیی و قۆناغە ناکۆتاكانی خوێندنی پیشەیی و ئیسلامی دواخرا بۆ ڕۆژی ٢٠٢٠/٨/١٦"

ئەوەشی خستۆتەڕو كە لە کۆبونەوەی ئەنجومەنی وەزارەتدا دەسەڵاتدرا بە بەڕێوەبەری گشتی پەروەردەی پارێزگاکان بۆ بەڕێوەبردن و کۆتاییهێنان بە تاقیکردنەوەکان بەڕەچاوکردنی ڕەوشی تەندروستی.

وتوشیەتی"دوای تاوتوێکردن و هەڵسەنگاندنی ڕەوشی تەندروستی و ڕای پارێزگا و بەڕێوەبەرایەتی گشتی تەندروستی هەولێر و پەروەردەی قەزاکان و بەڕێوەبەرایەتی سەرپەرشیکردن بەمەبەستی ڕەچاوکردنی ڕەوشی تەندروستی بڕیارماندا، تاقیکردنەوەکانی خولی دوەمی پۆلە ناکۆتاکان لە ٤ی بنەڕەتی تا ١١ی ئامادەیی و قۆناغە ناکۆتاكانی خوێندنی پیشەیی و ئیسلامی دوابخرێت بۆ ڕۆژی ٢٠٢٠/٨/١٦ واتە ڕۆژی یەکشەممە ٢٠٢٠/٨/١٦ یەکەم تاقیکردنەوە بەڕێوەدەچێت."


زۆرترین بینراو
© 2020 Awene Online, Inc. All Rights Reserved.
×