پاشنیوەڕۆی ئەمڕۆ هەینی، فڕۆکە جەنگیەکانی تورکیا، دوجار سنوری گوندی "قامیش"یان لە
قەزای ماوەتی ناوچەی شارباژێڕ بۆردومان کردو بەهۆیەوە ئاگرێکی گەورە لە سنورەکە کەوتوەتەوە
و تا ئێستاش نەتوانراوە کۆنتڕۆڵ بکرێت.
ئاوێنە: سەعات ٠١:٣٠ خولەکی پاشنیوەڕۆی ئەمڕۆ، فڕۆکەکانی
توركیا، زیاتر لە جارێک بۆردومانی سنوری گوندی قامیش-یان لە قەزای ماوەت سەر بە
پارێزگای سلێمانی کرد.
بەپێی قسەی کامەران
حەسەن، قایمقامی ماوەت، بۆردومانەکە لەلایەن فڕۆکە جەنگییەکانی دەوڵەتی تورکیاوە بوە
کە لە کاتژمێر ٠١:٣٠ خولەکی ئەمڕۆ دو جار لەو سنورەکەی داوە و وتی: بۆردومانەکانی
فڕۆکە جەنگییەکان خۆشبەختانە زیانی گیانی نەبوە، بەڵام بەو هۆیەوە ئاگر لە شاخی باڵۆسە
بەربوە کە تا ئێستاش کۆنتڕۆڵ نە کراوە و کۆنترۆڵکردنیشی زەحمەتە.
کامەران حەسەن، بۆ ماڵپەڕی "رۆژنیوز" ئاماژەی بەوەشدا کە هەمو ئەم کێشانەو بابەتی بۆردومانەکانمان گەیاندوەتە سەروی خۆمان
و پارێزگا و لایەنە پەیوەندیدارەکان بەمەبەستی سنوردانان بۆ هێرشەکان، وتیشی: ئەگەرچی
قسەمان کردوە و دانیشتنی هەرێم لە گەڵ باڵیۆزی تورکیا هەبوە بەڵام دیارە هیچ ئەنجامێکی
نەبوە.