2020-08-11   295     
شانەی راگەیاندنی ئەمنی سەربە ئۆپەراسیۆنە هاوبەشەكانی عێراق رایگەیاند كە لە باكووری بەغداد، بۆمبێكی چێنراو بە كاروانێكی سەربە هێزەكانی هاوپەیمانیەتی نێودەوڵەتیی دژبە داعش، تەقیوەتەوە.
شانەی ناوبراو لە راگەیەندراوێكدا ئاماژەی بەوە داوە کە لە ناوچەی تاجی باكووری بەغداد، بۆمبێكی چێنراو تەقیوەتەوە كە كاروانێكی سەربە هێزەكانی هاوپەیمانیەتی نێودەوڵەتیی دژبە داعشی كردووەتە ئامانج.
لە راگەیەندراوەكەدا باس لەوەیش كراوە كە تەقینەوەکە هیچ زیانێكی گیانی لێ نەكەوتووەتەوە، بەڵام بەهۆیەوە كۆنتێنەرێك كە لەسەر یەكێك لە ئۆتۆمبیلەكانی كاروانەكە بووە، سووتاوە.