2020-08-18 475
به‌وته‌ی بریکاری وەزارەتی شەھیدان‌و ئەنفالکراوانی حكومه‌تی هه‌رێم، موچەی مانگی 3ی کەسوکاری شەھیدان‌و ئەنفالکراوان، بەبێ لێبڕین دابەشدەکرێت.
ئاوێنه: بەرەڤان حەمدی، بریکاری وەزارەتی شەھیدان‌و ئەنفالکراوان بەمیدیاكانی پارتی راگەیاندووه، لەسەر راسپاردەی سەرۆکی حکومەت‌و ئەنجومەنی وەزیران، موچەی مانگی 3ی کەسوکاری شەھیدان‌و شەھیدانی سەنگەرو جینۆسایدو ئەنفال‌و شەھیدی نیشتمانی، وەکو مانگی پێشو 100%و بەبێ لێبڕین دابەشدەکرێت.
بەپێی خشته‌ی دابه‌شكردنی موچه كه وەزارەتی دارایی ئابوریی بڵاویكردۆته‌وه، بڕیارە 20-8-2020 موچەی مانگی 3ی وەزارەتی شەھیدان‌و ئەنفالکراوان دابەشبکرێت.
دوای تێپه‌ڕبونی زیاتر له 50 ڕۆژ به‌سه‌ر دابه‌شكردنی موچه‌ی مانگی 2ی ئه‌مساڵ، حكومه‌تی هه‌رێمی كوردستان له‌ئه‌مرۆ سێشه‌ممه‌و ده‌ستیكردووه به‌دابه‌شكردنی موچه‌ی مانگی 3.
به‌بڕیاری ئەنجومەنی وەزیرانی حكومه‌تی هەرێمی کوردستان-یش، موچه‌ی مانگی 3ی موچه‌خۆران بەهەمانشێوه‌ی مانگی 2 به‌لێبڕینی %21ی موچەکانیان دابەشدەکرێت.