2020-08-23   344     
وەزارەتی ناوخۆی عێراق راگەیاند كە ئافرەتێكی سەربە رێكخراوی تیرۆریستیی داعش لە سنووری پارێزگای سەڵاحەددین باكووری عێراق، دەستگیركراوە.
ئاوێنە: لە راگەیەندراوێكدا وەزارەتی ناوخۆی عێراق بڵاوی كردەوە كە هێزەكانی ئاژانسی هەواڵگریی لە وەزارەتی ناوخۆی عێراق، ئافرەتێكیان لە سنووری پارێزگای سەڵاحەددین دەستگیركردووە كە سەربە رێكخراوی تیرۆریستیی داعشە.
لە راگەیەندراوەكەدا ئەوە خراوەتەڕوو كە ئەو ئافرەتە بەپێی ماددەی چواری تیرۆر، داواكراوە.
راگەیەندراوەكەی وەزارەتی ناوخۆی عێراق ئاماژەی بەوەیش داوە كە دوای وەرگرتنی گوتەكانی، ئافرەتە دەستگیركراوەكە بە ئامانجی تەواوكردنی لێكۆڵینەوەكان، رەوانەی لایەنی دادوەریی كراوە.