2020-08-31 628
لەدوای رووداوەكەی ناوچەی حسینیەی بەغداد كەلە شەڕێكی عەشایەریدا جگە لەوەی هەشت كەس كوژران و برینداربوون چەكێكی زۆر بەكارهێنرا، فەرماندەی گشتی هێزە چەكدارەكانی عیراق بڕیاری بنەبڕكردنی شەڕی عەشایەری دەدات.
ئاوێنه: لیوا خالد محنا وتەبێژی وەزارەتی ناوخۆی عیراق رایگەیاندوە:" مستەفا كازمی فەرماندەی گشتی هێزە چەكدارەكانی عیراق بڕیاریداوە كێوماڵی تەواوی ئەو ناوچانە بكرێن كەشەڕی عەشایەری تێدا روویداوەو تاوانبار دەستگیربكرێن و هاوكات هەرچی چەك و تەقەمەنی هەیە راماڵرێن".
دووپاتیشی كردوەتەوە:" حكومەت دەیەوێت چیتر رێگە بەدروستبوونی شەڕی لەو شێوەیە نەدات كە كاریگەری لەسەر ئەمنی نیشتمانی دەبێت".
باسی لەوەشكردوە:" قۆناغی داهاتوو ئۆپراسیۆنی فراوانترو كاریگەرتر لەوبارەیەوە ئەنجام دەدرێت".