لەسەر پەخشكردنی بەرنامەیەكی گۆرانی لە شەوی عاشورادا، كۆمەڵێك لە خۆپیشاندەرانی توڕەی شیعە، ئەمڕۆ دوشەممە، هەڵیانكوتایە سەر ئۆفیسی كەناڵی دیجلە لە بەغداو ئاگریان تێبەردا.
ئاوێنە: بەپێی ئەو گرتە ڤیدیۆییانەی بڵاوكراونەتەوە، ئەو خۆپیشاندەرانە بە ئامادەیی ژمارەیەكی زۆر لە هێزە ئەمنییەكان هەڵیانكوتانەوە سەر ئۆفیسی كەناڵی دیجلە لە بەغداو وێڕای شكاندنی كەلوپەل و دەرگاو پەنجەرەكانی ناو ئۆفیسەكە، ئاگریشیان تێبەرداوە.
ئەوەش لەكاتێكدا كە هەر ئەمڕۆ دوشەممە دادگایەكی عێراقی فەرمانی دەستگیركردنی بۆ سەرۆكی حیزبی حەل دەرچو، كە خاوەنی كەناڵی دیجەلەیە دەركرد ئەوەش بەهۆی ئەوەی كەناڵەكەی لەشەوی عاشورادا بەرنامەیەكی گۆرانی پەخشكردوە.
دادگاكە داواشی لە دەستەی ڕاگەیاندن و پەیوەندییەكانی عێراق كرد كە ڕێكاری یاسایی بەرامبەر كەناڵی دیجلە بگرێتە بەر.
اقتحام مقر قناة دجلة الفضائية قرب جسر الجادرية وسط بغداد