2020-09-01   534     
باڵیۆزی ئەمریکا لەعێراق دهڵێت، ئهگهر هێرشهكان بەزوترینکات رانەگیرێت، ئەوا نەک هەر ئەمریکییەکان، بەڵکو هاوپەیمانانیش ناچاردەبن پێداچونەوە بەپەیوەندییەکانی خۆیان لەگەڵ عێراق بکەن.
ئاوێنه: ماسیۆ توڵەر، باڵیۆزی ئەمریکا لەعێراق لەلێدوانێکی رۆژنامەوانیدا رایگەیاند، ئەگەر هێزی موشەک بەسەر هێزی ئاشتیخوازانە لەعێراقدا زاڵبێت، ئەوا نەک ئەمریکا بەڵکو هاوپەیمانێتی نێودەوڵەتیش پێداچونەوە بەپەیوەندییەکانی خۆی لەگەڵ عێراقدا دەکات.
وتیشی، ئەمریکا نایەوێت بۆ هەمیشە هێزەکانی خۆی لەعێراقدا بهێڵێتەوە، بەڵکو دەیەوێت بۆ هەمیشە وەک هاوکارو هاوبەشی عێراق بمێنێتەوە، بەئامانج گرتنی هێزەکانی ئەمریکا نەویستی گەلی عێراقەو نەپارێزگاری لەبەرژەوەندییەکانی دەکات.
30ی مانگی رابردو لەبەیاننامەیەکدا شانەی راگەیاندنی سەربازی بڵاوکردەوە، موشەک لەجۆری کاتیۆشا لەسەرچاوەیەکی نەزانراوەوە، ئاراستەی دەوروبەری فڕۆکەخانەی نێودەوڵەتی بەغدا کراون، هیچ زیانێکی گیانیان لێنەکەوتوەتەوە.