بڕیار وایە لە سەرەتای هەفتەی داهاتوو، ئەنجومەنی وەزیرانی عێراق کۆبوونەوەیەکی نائاسایی ئەنجام بدات لەبارەی رێکخستنەوەی بودجەی ٢٠٢٠.
ئاوێنه: لەراگەیەندراوێکدا نووسینگەی سەرۆکوەزیرانی عێراق ئاماژەی بەوە داوە کە لە کۆبوونەوەی ئەنجوومەنی وەزیرانی رابردوو مستەفا کازمی، سەرۆکوەزیرانی عێراق بڕیاری داوە لە سەرەتای هەفتەی داهاتوو کۆبوونەوەیەکی نائاسایی ئەنجام بدرێت لەبارەی بودجەی ٢٠٢٠ و گفتوگۆکردن لەسەری.
بەپێی راگەیەندراوێکی بەرواری ٢ی ئەیلوولی ئەمساڵ، وەزارەتی دارایی عێراق پرۆژەیاسای ساڵی ٢٠٢٠ی پەسەند کردووە و رەوانەی ئەنجوومەنی وەزیران کردووە لەلایەکی دیکەشەوە ئەنجوومەنی نوێنەران داوای هێنانی پرۆژەیاسای بودجەی ٢٠٢٠ی لە حکومەت کردبوو.