ئەمڕۆ یەكشەممە، عەلی عەلاوی، وەزیری دارایی عێراق لەگەڵ باڵیۆزی ئەمریكا
تاوتوێی میكانیزمەكانی پتەوكردنی هاریكاری ئابوری و دارایی نێوان هەردو وڵاتیان
كرد.
ئاوێنە: بەگوێرەی بەیاننامەیەكی وەزارەتی دارایی عێراق، ئەمڕۆ، عەلی
عەلاوی، لە نوسینگەی خۆی لە بەغدا پێشوازی كردوە لە باڵیۆزی ئەمریكا لەعێراق.
بەیاننامەكە ئاماژەی بەوەداوە كە لە دیدارەكەدا تاوتوێی میكانیزمەكانی پتەوكردنی
هاریكاری ئابوری و دارایی نێوان هەردو وڵات كراوە.
هەر بەگوێرەی بەیاننامەكە، باڵیۆزی ئەمریكا جەختی پشتیوانی تەواوی وڵاتەكەی
بۆ پلان و رێكارەكانی حكومەتی عێراق كردۆتەوە بەتایبەت لە پەیوەست بە چاكسازی و
پەرەپێدانی كەرتی ئابوری و دارایی لە سایەی ئەم دۆخەی ئێستادا.