وەزارەتی تەندروستی عێراق، رایگەیاند: لەماوەی 24 سەعاتی رابردودا چوار هەزارو
169 كەسی دیكە توشی كۆرۆنا بون و 72 توشبوی دیكەی ڤایرۆسەكە گیانیان لەدەستداوەو چوار
هەزارو 427 توشبوش چاكبونەتەوە كە ئەوەش وێڕای ئەوەی لە ژمارەی توشبوانی ئەمڕۆ زیاترە،
بەرزترین تۆماری رۆژانەی چاكبونەوەشە لەو كاتەوەی ڤایرۆسەكە هاتۆتە عێراق.
ئاوێنە: وەزارەتی تەندروستی عێراق، ئەمڕۆ دوشەممە، لە بەیاننامەیەكدا
ئاشكرایكرد: لەماوەی 24 سەعاتی رابردودا، 23 هەزار و 989 پشكنینی كۆرۆنا لەسەرتاسەری
وڵات ئەنجامدراون و بەپێی ئەنجامەكان چوار هەزارو 169 كەسی دیكە توشی كۆرۆنا بون.
بەپێی بەیاننامەكە هەر لەماوەی 24 سەعاتی رابردودا 72 توشبوی دیكەی كۆرۆنا
گیانیان لەدەستداوەو چوار هەزارو 427 توشبوی دیكەش چاكبونەتەوە كە ئەوەش بەرزترین ئاماری رۆژانەی
چاكبونەوەی كۆرۆنایە لەو كاتەوەی ڤایرۆسەكە هاتۆتە عێراق.
وەزارەتی تەندروستی عێراق هێمای بۆ ئەوە كردوە كە بە تۆماركردنی ئەم حاڵەتە
نوێیانە، كۆی توشبون بە كۆرۆنا گەیشتۆتە 294 هەزار و 478 كەس و لەوانە هەشت هەزارو
86 كەسیان گیانیان لەدەستداوەو 229 هەزارو 132 كەسیان چاكبونەتەوەو 57 هەزارو 260
كەسیشیان لەژێر چارەسەردان كە لەوانە 539 توشبویان لەژێر چاودێری چڕدان.