ترەمپ هەڕەشە لە ئێران دەکات
  2020-09-15       372       

سەرۆکى ئەمریکا هەڕەشە لە ئێران دەکات و رایدەگەیەنێت، هەر هێرشێک لەلایەن ئێرانەوە بۆ سەر ئەمریکا ئەنجام بدرێت وەڵامدانەوەمان هەزار جار زیاتر دەبێت.

ئاوێنه‌: ئەمڕۆ سێشەممە، دۆناڵد ترەمپ، سەرۆکی ئەمریکا لە تویتێکدا لەسەر هەژماری خۆی لە تویتەر رایگەیاند،"بەپێی راپۆرتە رۆژنامەوانییەکان رەنگە ئێران وەک تۆڵەسەندنەوەیەک لەسەر کوشتنی فەرماندەی تیرۆریست قاسم سولەیمانی، کە پلانی دانابوو بۆ هێرشیکردن لە داهاتوو و کوشتنی هێزەکانی ئەمریکا و، زیادکردنی مردن و نەهامەتی کە بۆ ماوەی چەند ساڵێک بەردەوامی هەبوو کردەوە لە دژی ئەمریکا ئەنجام بدات".

سەرۆکى ئەمریکا هۆشدارى توندی دایە ئێران و جەختیکردەوە کە هەر هێرشێک لەلایەن ئێرانەوە بە هەر شێوەیەک لە شێوەکان بۆ سەر ویلایەتە یەکگرتووەکانی ئەمریکا ئەنجام بدرێت وەڵامدانەوەیان هەزار جار زیاتر دەبێت.

زۆرترین بینراو
© 2021 Awene Online, Inc. All Rights Reserved.
×