فڕۆكەكانی توركیا دەڤەری بادینان، برادۆست و راپەڕین بۆردومان دەكەن
  2020-09-18       280       

درەنگانی شەوی ڕابردو فڕۆکە جەنگییەکانی تورکیا، سنوری بادینان لە پارێزگای دهۆک، دەڤەری برادۆست لە پارێزگای هەولێر و دەڤەری راپەڕینیان بۆردومان کرد.

ئاوێنە: بەپێی میدیاكانی نزیك لە پەكەكە، درەنگانی شەوی رابردو، فڕۆکە جەنگییەکانی تورکیا بۆردومانی گوندی "کێستە"ی ناحیەی کانی ماسی-یان لە دەڤەری بادینان لە پارێزگای دهۆك كردوەو بەپێی زانیارییەکان زیانێکی زۆر بەر ڕەزوباخی هاوڵاتیان کەوتوە و ئاگرێکی گەورەش لە ناوچەکە کەوتوەتەوە.

هەر درەنگانی شەوی رابردو فڕۆکەکانی تورکیا، بۆردومانی سنوری خواکورک و گوندی بێرکم-یان لە دەڤەری برادۆست لە پارێزگای هەولێر کردوەو زیانێکی زۆریان بە ڕەزوباخی هاوڵاتیان و سروشتی ناوچەکە گەیاندوە.

هەر شەوی ڕابردو، چەند فڕۆکەیەکی جەنگی تورکیا گوندەکانی زێوکە، سورەگڵە و نزیک "ئاڵێرەش"ی سەر بە ناحیەی ژاراوەی پشدەریان لە دەڤەری ڕاپەڕین کردوە و زیانەکانی نەزاندراون.

زۆرترین بینراو
© 2020 Awene Online, Inc. All Rights Reserved.
×