ژوری یاسایی
بزوتنەوەی گۆڕان، لەوەڵامی مەلا بەختیار، ئەندامی ئەنجومەنی باڵای سیاسی و
بەرژەوەندی یەكێتیدا بۆ تۆماكردنی سكاڵا دژبە ماڵپەڕی "كەی ئێن ئێن" و
پێشمەرگەیەكی دێرین، دەڵێت: لەگەڵ ئەوەی ناوبراو دەستپێشخەر بوە بۆ هێرشكردنە سەر
نەوشیروان مستەفا، بەڵام ئەمان ئامادەن و پشتگیری هەر رێكارو جوڵەیەكی یاسایین لەبەرامبەر
تیمی میدیایی و هەڵسوڕاوانی گۆران و ئەو پێشمەرگە دێرینانەی كە راستیەكانیان خستوەتەڕو.
ژوی یاسایی
بزوتنەوەی گۆڕان، ئەمڕۆ شەممە، لە راگەیەندراوێکدا، وتی: مەلا بەختیار لە چاوپێکەوتنێکی
روداودا هێرشی ناڕەوای کردوەتە سەر نەوشیروان مستەفا و مێژو و خەبات و کەسایەتی
داوەتە بەر نەشتەری بوهتان و تۆمەتی بێبنەما، لەبەرامبەردا میدیای گۆڕان وەڵامی تۆمەتە
بێ بنەماکانی داوەتەوە، بەڵام بە پاساوی ناوزڕاندنی بانگەشەی تۆمارکردنی سکاڵای یاسایی
دەكات لەسەر دامەزراوەی میدیایی بزوتنەوەی گۆران و ئەو پێشمەرگە دێرینانەی هاتونەتە
دەنگ.
ژوری یاسایی رایگەیاندوە؛
بەهاوكاری رایەڵەی پارێزەران وێڕای ئەوەی بە مافی رەوای بزوتنەوەکەمانی دەزانین وەڵامی
بەڵگەداری میدیایی بۆ مەلا بەختیار و هاوشێوەکانی بڵاوبکاتەوە لەپای تۆمەتە ناڕەواکانیان،
لەهەمانکاتدا ئامادە و پشتگیری هەر رێكارو جوڵەیەكی یاسایین لەبەرامبەر تیمی میدیایی
و هەڵسوڕاوانی گۆران و ئەو پێشمەرگە دێرینانەی كە راستیەكانیان خستوەتەڕو.
دەقی
راگەیەندراوەكە..
راگەیەندراوێک لەژوری
یاسایی بزوتنەوەی گۆڕانەوە
مەلا بەختیار شەوی (12/9/2020) لە چاوپێکەوتنێکی کەناڵی روداو، هێرشێکی
ناڕەوای کردە سەر رەوانشاد نەوشیروان مستەفا و مێژوی خەبات و کەسایەتی دایە بەر نەشتەری
بوهتان و تۆمەتی بێ بنەما، لەبەرامبەردا خەڵکی کوردستان و گۆڕانخوازان هاتنەدەنگ وەڵامی
تۆمەتەکانیان دایەوە.
لەو نێوەندەشدا،
میدیای گۆڕان وەک بەشێک لەهەڵمەتی وەڵامدانەوەی تۆمەتە بێ بنەماکانی ئەو کەسە، بە
ئەرکی خۆی هەستا و بە بەڵگەی نوسراو و وێنە و لەرێی چاوپێکەوتنی شاهێدحاڵەکانی ئەو
مێژوەوە پەردەی لەسەر راستی روداوە شێوێندراوەکان هەڵماڵی.
لەگەڵ ئەوەی
ناوبراو دەستپێشخەری کردوە بۆ هێرشکردنە سەر کەسایەتی کاک نەوشیروان و هەوڵی شێواندنی
راستیەکانی داوە، بەڵام بە پاساوی ناوزڕاندنی بانگەشەی تۆمارکردنی سکاڵای یاسایی دەكات
لەسەر دامەزراوەی میدیایی بزوتنەوەی گۆران و ئەو پێشمەرگە دێرینانەی هاتونەتە دەنگ.
ئێمە لەژوری یاسایی
بزوتنەوەی گۆڕان، پێكەوە و بەهاوكاری رایەڵەی پارێزەران وێڕای ئەوەی بە مافی رەوای
بزوتنەوەکەمانی دەزانین وەڵامی بەڵگەداری میدیایی بۆ مەلا بەختیار و هاوشێوەکانی بڵاوبکاتەوە
لەپای تۆمەتە ناڕەواکانیان، لەهەمانکاتدا ئامادە و پشتگیری هەر رێكار و جوڵەیەكی یاسایین
لەبەرامبەر تیمی میدیایی و هەڵسوڕاوانی گۆران و ئەو پێشمەرگە دێرینانەی كە راستیەكانین
خستوەتەڕو.
ژوری یاسایی
بزوتنەوەی گۆران
19/9/2020