2020-09-22   577     
وەزارەتی تەندروستیی هەرێمی کوردستان ئاماری 24 کاتژمێری رابردووی تایبەت بە ڤایرۆسی کۆرۆنای بڵاوکردەوە و ئاشکرای کرد: 636 کەس تووشی کۆرۆنا بوون، 17 کەسی دیکەش بەهۆیەوە گیانیان لەدەستدا.
ئاوێنه: بەپێی راگەیەندراوەکە، زۆرترین تووشبووی نوێی کۆرۆنا کە زیاتر لە نیوەی تووشبووانی ئەم 24 کاتژمێرەن لە هەرێمی کوردستان، دانیشتووی دهۆکن و ژمارەیان بەدیاریکراوی 353 کەسە.
هەروەها لە بەشێکی دیکەی راگەیەندراوەکە ئاشکرا کراوە، 403 کەس لە کۆرۆنا چاکبوونەتەوە کە زۆرترینیان (168 کەسیان) دانیشتووی هەولێرن.
بەگشتی تووشبوون بە کۆرۆنا لە هەرێمی کوردستان گەیشتووەتە 42 هەزار و 368 کەس، لەو ژمارەیە زیاتر لە 27 هەزاریان چاکبوونەتەوە و ژمارەی مردووانیش بەو پەتا جیهانییە گەیشتووەتە 1553 کەس.