2020-09-23   324     
پاش دواخستنی بەهۆی بڵاوبوونەوەی ڤایرۆسی كۆرۆنای نوێ، بڕیاردرا لە هەفتەی داهاتووەوە پرۆسەی خوێندن لە رۆژئاوای كوردستان دەستپێبكاتەوە.
ئاوێنه: لەوبارەیەوە هاوسەرۆكایەتی دەستەی پەروەردە و فێركردن لە بەڕێوەبەرایهتی خۆسەری لە باكوور و خۆرهەڵاتی سووریا بڕیاری دا لە رۆژی 27ی ئەم مانگەوە دەرگای ناوەندەكانی پەروەردە و خوێندن بكاتەوە.
لەو بڕیارەی هاوسەرۆكایەتییەكە دەری كردووە، جەخت كراوەتەوە لەوەی دەبێت رێوشوێنەكانی خۆپارێزی لە ڤایرۆسی كۆرۆنا پەیڕەو بكرێت و لایەنە پەیوەندیدارەكان بنەماكانی پاراستنی تەندروستی قوتابیان لەبەرچاو بگرن.
پێشتر لە 29ی ئاب هاوسەرۆكایەتی دەستی پەروەردە و فێركردن بڕیاری دابوو بەهۆی بڵاوبوونەوەی ڤایرۆسی كۆرۆنا ساڵی نوێی خوێندن دوا بخرێت و پەیمانگاكانی خولی بەهێزكردنیش تا 4ی مانگی 10 بە داخراوی بمێننەوە.