وەزارەتی گواستنەوەی عێراق رایگەیاند، لە سبەی هەینییەوە سەرجەم گەشتە ئاسمانییەكانی نێوان وڵاتەكەی ئێران رادەگیرێن ئەوەش لەسەر داوای لایەنی ئێرانی.
ئاوێنە: وەزارتەكە، ئەمڕۆ پێنجشەممە، لە بەیاننامەیەكدا ئاماژەی بەوەدا كە سەرجەم گەشتە ئاسمانییەكان لە عێراقەوە بۆ ئێران و بەپێچەوانە لە سبەی 25/09/2020ەوە تاوەكو 09/10/2020 رادەگیرێن ئەوەش لەسەر داوای رەسمی دەسەڵاتی فڕۆكەوانی ئێران كە پێشكەشی لایەنی عێراقی كردوە.
ئەوەشی خستۆتەڕو كە بڕیارەكە سەرجەم گەشتە ئاسمانییە راستەوخۆكان لە فڕۆكەخانە ناوخۆییەكانی عێراقەوە بۆ فڕۆكەخانەكانی ئێران لەخۆدەگرێت و بڕیارەكەش پەیوەستە بە بڵاوبونەوەی ڤایرۆسی كۆرۆناوە.
وەزارەتی گواستنەوەی عێراق جەختی كردۆتەوە كە بەتەواوەتی پابەندن بە سەرجەم بڕیارەكانی لایەنە باڵاكانەوە بۆ پاراستنی سەلامەتی گەشتیاران.