وەزارەتی پەروەردەی هەرێم خشتەی تاقیکردنەوە گشتییەکانى قۆناغى ١٢ى ئامادەیى و قۆناغە كۆتاییەكانی ئامادەیی پیشەیی و خوێندنى ئیسلامى تایبەت بەو خوێندكارانەی بەهۆی توشبونیان بە كۆرۆنا نەیانتوانیوە لەكاتی خۆیدا تاقیكردنەوەكان بكەن، بڵاوكردەوە.
ئاوێنە: بەپێی خشتەكە، رۆژی ٣ی ١٠ی ٢٠٢٠ یەکەم تاقیکردنەوەی سەرجەم قۆناغەكانی 12ی ئامادەیی و قۆناغە كۆتاییەكانی ئامادەیی پیشەیی و خوێندنی ئیسلامی ئەنجامدەدرێت.
هەر بەپێی خشتەكە رۆژی 10ی هەمان مانگ تاقیكردنەوەكانی قۆناغی 12ی ئامادەیی كۆتاییان دێت و رۆژی 12ی مانگیش تاقیكردنەوەكانی قۆناغە كۆتاییەكانی ئامادەیی پیشەیی و خوێندنی ئیسلامی كۆتاییان دێت.
بەگوێرەی خشتەكە لەنێوان هیچ دو تاقیكردنەوەیەكدا رۆژی نێوان نییە و سەرجەم تاقیكردنەوە لە رۆژی یەك لەدوای یەك ئەنجام دەدرێن.
ئەوەش خراوەتەڕو كە هەر رۆژێكی تاقیكردنەوە بەر پشو بكەوێت ئەوا تاقیكردنەوەی تێدا ئەنجام دەدرێت ناكرێت بە پشو.