نێچیرڤان بارزانی، سەرۆكی هەرێمی كوردستان، ئەمڕۆ هەینی، رایگەیاند،
پشتیوانی هەوڵەكانی سەركردە عێراقییەكان دەكەن بۆ رێگریكردن لە دوبارەبونەوەی
هێرشەكانی سەر نوێنەرایەتییە دیپلۆماتییەكانی وڵاتان و بنكەكانی هاوپەیمانی
نێودەوڵەتی و لەوڕوەشەوە ئامادەی هاوكاریكردنن.
ئاوێنە: نێچیرڤان بارزانی، كەمێك لەمەوبەر لە تویتێكدا رایگەیاند، بەوپەڕی
نیگەرانییەوە چاودێری هەڕەشەو هێرشەكانی ئەم دواییە دەكەن بۆ سەر نوێنەرایەتییە
دیپلۆماتییەكانی وڵاتان و بنكەكانی هاوپەیمانی نێودەوڵەتی لەعێراق.
ئەوەشی خستۆتەڕو، پشتیوانی هەوڵی سەركردە عێراقییەكان دەكەین بۆ رێگریكردن
لە دوبارەبونەوەی ئەو هێرشانەو جەختیش لە ئامادەیی خۆمان دەكەینەوە بۆ هاوكاری
لەپێناو دەستەبەركردنی ئاسایش و سەقامگیری لە وڵاتدا.