دوای شەش مانگ لە راگرتنیان بەهۆی بڵاوبونەوەی ڤایرۆسی كۆرۆنا، ئەمڕۆ
شەممە، گەیشتە ئاسمانییەكانی نێوان توركیاو ئێران دەست پێدەكەنەوە.
ئاوێنە: عەلیڕەزا مەجزوبی، ئەندامی دەستەی بەڕێوەبەریی فڕۆكەخانەی ئیمام
خومەینی، بە میدیاكانی وڵاتەكەی راگەیاند، لە ئێستادا كۆمپانیا فڕۆكەوانییەكانی
قەتەر و ئیمارات گەشتیان بۆ ئێران هەیەو بڕیارە ئەمڕۆ كۆمپانیای فڕۆكەوانی توركیش
ئێرڵاینز دەست بە گەشتەكانی بۆ فڕۆكەخانەی ئیمام خومەینی لە تاران بكاتەوە.
مەجزوبی
وتویەتی: دەسەڵاتی فڕۆكەوانی توركیا كە شەش مانگە بەهۆی بڵاوبونەوەی ڤایرۆسی
كۆرۆناوە، گەشتەكانی وڵاتەكەی بۆ تاران راگرتبو، دوای گفتوگۆو هەماهەنگی نێوان
هەردو وڵات بڕیاردراوە لە هەفتەیەكدا حەوت گەشت لە ئیستانبوڵەوە بۆ تاران و
بەپێچەوانەوە ئەنجام بدرێن.