هەزار و ٥١١ حاڵەتی تووشبوون و ٧١ گيانلەدەستدان به ‌كۆرۆنا له‌ توركیا تۆماركرا
  2020-09-26       174       
لە ماوه‌ی ٢٤ كاتژمێرى رابردوودا، هەزار و ٢٣٢ تووشبووی کۆرۆنا چاكبوونەتەوە، كۆى گشتیى ٢٧٣ هەزار و ٥١٤ تووشبوو لە ڤایرۆسەکە چاكبوونەتەوە.

ئاوێنه‌: وەزارەتى تەندروستیى توركيا بڵاویكرده‌وه، لە ٢٤ كاتژمێرى رابردوودا هەزار و ٥١١ حاڵەتى نوێى تووشبوون تۆماركراوە و ٧١ كەسی دیکە بەهۆى تووشبوونيان بە ڤايرۆسى كۆرۆناى نوێ (COVID-19) گيانيان لەدەستداوە.

“خشته‌ی رۆژانەى ڤايرۆسى كۆرۆنا” كە دوايين ئامارەكانى ڤايرۆسى كۆرۆنا له ‌توركیا لەخۆده‌گرێت لەڕێگەى ماڵپەڕى “covid19.saglik.gov.tr”ه‌وه‌ بڵاوكرايەوە.

بەپێی خشته‌كه‌، ئەمڕۆ ١٠٢ هەزار و نۆ پشكنينى ڤایرۆسی کۆرۆنای نوێ (COVID-19) ئەنجامدراوە. دەرەنجام، هەزار و ٥١١ حاڵەتى نوێى تووشبوون بە ڤايرۆسه‌كه‌ تۆماركراوە.

هەر بەپێی خشته‌كه‌، لە ٢٤ كاتژمێری رابردوودا، ٧١ تووشبوو گيانيان لەدەستداوە، هەزار و ٢٣٢ نەخۆش چاكبوونەتەوە و كۆى گشتيى ئەو تووشبووانەى كە چارەسەريان تەواو بووە و نەخۆشخانەيان جێهێشتووە بۆ ٢٧٤ هەزار و ٥١٤ بەرزبووەتەوە.

بەپێی ئامارەكان، كۆى گشتيى نۆ مليۆن و ٩٣٦ هەزار و ٥٨١ پشكنينى (COVID-19) ئەنجامدراون، كۆى گشتیی حاڵەتەكانى تووشبوون گەيشتووەتە ٣١٢ هەزار و ٩٦٦  حاڵه‌ت و گيانلەدەستدانيش گەيشتووەتە حەوت هەزار و ٩٢٩ حاڵه‌ت.

ژمارەى كه‌یسه‌ چالاكەكان ٣٠ هەزار و ٥٢٣، و ژمارەى ئەو نەخۆشانەى كە دۆخى تەندروستييان ناجێگيرە هەزار و ٦١٥ نەخۆشن و رێژەى هەوركردنى سييەكان لاى نەخۆشەكان لەسەدا ٦,٦ـە.

– “ئاماژەكانى داكشان لە ژمارەى تووشبووان بانگەوازێكە بۆ زياتر پابەندبوونمان بە رێكارەكانەوە”

وەزيرى تەندروستیى توركيا، فەخرەددين كۆجا لە هەژمارى تايبەتى خۆى لە تويتەر لە په‌یامێكدا له‌باره‌ی دوايين ئامارەكان، رايگەياندووە: “ئەمڕۆ هەزار و ٥١١ حاڵەتى نوێى تووشبوونمان هەيە. ئاماژەكانى داكشان لە ژمارەى تووشبووان بانگەوازێكە بۆ زياتر پابەندبوونمان بە رێكارەكانەوە. خێرايى زيادبوونى ژمارەى ئەو نەخۆشانەش كە تەندروستييان ناجێگيرە بە ئاراستەى كەمبوونەوەيە. پێكەوە بەرەنگاربوونەوە له‌ڕێگه‌ی‌ پێكه‌وه‌ پابەندبوون دەبێت”.
زۆرترین بینراو
© 2020 Awene Online, Inc. All Rights Reserved.
×