ئەمشەو یەکەم دیبەیتی هەڵبژاردنی سەرۆکایەتی ئەمریکا لە ساڵی ٢٠٢٠ بەڕێوەدەچێ
  2020-09-29       233       

ئا: قارەمان مەمەند، سانفرانسیسکۆ، کالیفۆرنیا، ویلایەتە یەکگرتووەکانی ئەمریکا

 

لەیە کەم دیبەیتی نێوان سەرۆک ترامپ کاندیدی کۆماریـیەکان و جۆو بایدن کاندیدی دیموکراتەکان بۆ هەڵبژاردنەکانی سەرۆکایەتی تۆقەکردن ڕوونادات.  

تۆقەکردن لەنێوان کاندیدەکانی هەڵبژاردنی سەرۆکایەتی لە کاتی دیبەیتدا، نەرێتێکی باو و کۆنە، دەگەڕێتەوە بۆ نیو سەدە لە مەوبەر، بەڵام چوا ساڵ لەمەوبەر پەیڕەونەکرا، کاتێک هیلاری کلینتۆن و دۆناڵد تڕەمپ تۆقەیان نەکرد لە سەرەتای دەستپێکردنی دیبەیتی دووەم و سێیەم.
دووبارە بە بەهۆی پەتای کۆڕۆناوە ئەم نەریتە ئەمشەو پەیڕەو ناکرێ، لە کاتێکدا کاندیدەکان لەسەر یەک تەختەی شانۆ دەبن، بەڵام ماسک-یش لەدەم ناکەن. تڕەمپ لە لای ڕاستی شانۆکە دەوەستێ و جۆ بایدن لەلای چەپەوە بەرامبەر ئامادەبووان، ژمارەیەکی بچووک لەئامادەبووان لەوێدەبن، لە گەڵ ستافی دیبەیتەکەو و میدیاکاران، هەروەها سەرجەم ئامادەبووان دەبێ پەیڕەوی چەندین پرۆتۆکۆلی پارێزگاری تەندروستی  و تێستی کۆڕۆنا ڤایرۆس-یش دەکەن.
هەرەها ئەمشەو وتاری دەستپێک لە لایەن کاندیدەکانەوە نابێ، بەڵكو ڕاستەوخۆ دەچنە سەر شەش تەوەرە سەرەکییەکانی دیبەیتی ئەمشەو، بریتین لە: کار و ڕابردووی هەردوو کاندید، پەتای کۆرۆنا، دادگای باڵا، ئابوری، پـرسی ڕەگەز و توندوتیژی ناو هەندێک شاری وڵاتەکە، بێگەردی هەڵبژاردنەکان.
بەگوێرەی هەواڵەکان، دۆناڵد ترەمپ نزیکەی دوو کاژێر ڕاهێنانی کردووە، لەڕیگای جۆرێک لە تەکنیکی کورتە  پرسیاری ئامادەکراوی پێشوەختەوە، کریس کریستی حاکمی پێشووی ویلایەتی نیوجەرسی و ڕودی جولیانی پارێزەری کەسی سەرۆک تڕەمپ،  سەردانی کۆشکی سپیییان کردووە یا پەیوەندییان پێوەکردووە بۆ هاریکاری و ڕاهێنان، بە تایبەتی لە کاتی دووبارە پرسیارکردن لەبارەی ئاشکرانەکردنی پرسی دانی باج- ساڵانەی تڕەمپ- تا ئێستا ئاشکرا نەکراوە.
بەگوێرەی دەنگی ئەمریکا، دیبەیتەکە لە هۆڵی زانکۆی کەیس وێسترن ڕێزێرڤ لە شاری کلیڤلاندی ویلایەتی ئۆهایۆ بەڕێوەدەچێت و بۆ ماوەی کاتژمێرێک و نیو بەردەوام دەبێ، لە کاتژمێر ٩ ی شەوی سێشەممە بە کاتی ڕۆژهەڵاتی ئەمەریکا ئەنجام دەدرێت. ڕۆژنامەوان کرێس واڵس، تەمەن 72 ساڵ، بێژەری کەناڵی فۆکس نیوز FOX News دیبەیتەکە بەڕێوەدەبات.


سەرچاوە:
Fox News
CNN
The Voice of America


زۆرترین بینراو
© 2020 Awene Online, Inc. All Rights Reserved.
×