2020-10-01   829     
بانکی رەشید کە بانکێکی حکومی عێراقە رایگەیاند، ئەمڕۆ پێنجشەممە موچەی مانگی (تشرینی یەکەم/10)ـی خانەنشینانی شارستانی و سەربازی دابەشدەکرێت و داوا لە خانەنشینان دەکەن سەردانی لقی بانکی رەشید بکەن لەپارێزگاکانیان.
ئاوێنە: نوسینگەی راگەیاندنی بانکی رەشید کەبانکێکی حکومی عێراقە رایگەیاند، دوای ئەوەی وەزارەتی دارایی فیدڕاڵ بڕیاریدا بە دابەشکردنی موچەی خانەنشینان، ئەمڕۆ پێنجشەممە دەست بە دابەشکردنی موچەی مانگی (تشرینی یەکەم/10)ـی خانەنشینانی شارستانی و سەربازی دەکرێت.
ئەوەش هاتوە، داوا لە خانەنشینان دەکەن سەردانی لقی بانکی رەشید لە بەغدا و پارێزگاکانیان بکەن بەمبەستی وەرگرتنی شایشتە داراییەکانیان.
بەگوێرەی خشتەی دابەشکردنی موچە لە عێراق، دەستەی خانەنشینی یەکەم شوێن دەبێت کە موچە وەردەگرێت، لەهەمانکاتیشدا بە بەردەوامی ئەو چین و توێژە پێشوتر موچەی مانگی داهاتویان بۆ خەرج دەکرێت.
29ی ئەم مانگە وەزارەتی دارایی عێراق رایگەیاند، لەسەر فەرمانی سەرۆک وەزیرانی عێراق بڕیاردرا بە دابەشکردنی موچەی مانگی (تشرینی یەکەم/10)ی خانەنشینانی شارستانی و سەربازی، موچەی ئەو کەسانەش لەسەرەتای مانگی داهاتودا لەرێگەی هەژماری بانکییەوە خەرج دەکرێت.