2020-10-07   450     
موقتەدا سەدر، ڕێبەرى ڕەوتى سەدر بڵاويكردووەتەوە، كەسانێك كە خزێنراونەتەوە ناو ڕيزى خۆپيشاندەرانى تشرين، هەوڵيانداوە بۆنە ئايينيەكان لە كەربەلا بقۆزنەوە، ئەوانە بيركردنەوەى لادەر و داعشيانە و بەعسيانەيان هەيە و تێكدەرن و دژى ئايين و نيشتمانن.
ئاوێنه: سەدر هێماى بۆ ئەوەشكردووە، لەسەر هێزە ئەمنيەكان پێويستە شوێنە پيرۆزەكان بپارێزن و ئەوە سەرەتاى فيتنەیيەكە كە لە دەرەوە پشتگيرى دەكرێت و داواى لە شۆڕشگێڕان كردووە خۆيانيان لێ بێبەرى بكەن، وتيشى: "ئەگەر ئاسايش نەچەسپێنرێت ئەوا ناچارم لە رێگەى تايبەتى و ئاشكراى خۆم دەستوەردان بكەن".
شانەى ڕاگەياندنى ئەمنى سەبارەت بە ڕووداوەكانى كەربەلا بڵاويكردوەتەوە، لەكاتى مەراسيمى چلە ژمارەيەك لە خۆپيشاندەران كۆبوونەوە لە سەرجەم پارێزگاكانەوە لە مەيدانى پەروەردە و هەوڵى چونە ناو "باب القبلة"يان دا لە ڕێگەيەكى ڕێگە پێنەدراوەوە، بەڵام ئاگادار كرانەوە بۆ ئەوەى لە ڕێگەى ڕێگەپێدراوەوە بچن، بەڵام هەندێك كەس كە خۆيان خزاندبووە ناو خۆپيشاندەرانەوە بەرديان گرتە هێزە ئەمنيەكان، بەڵام هەرزوو کۆنتڕۆڵ کرا و رێگەيان پێ نەدرا ڕێوشوێنە ئەمنيەكان تێكبدەن.
ئاماژه بهوهشدراوه، پێكدادان لەنێوان خۆپيشاندەرانى تشرين و هێزە ئەمنيەكان ڕوويداوەو خۆپيشاندەران هوتافى ئيستفزازيان وتووەتەوە و چونە ناو شوێنە پيرۆزەكان و ئەوەش سەردانيكەران و خزمەتكارانى شوێنە پيرۆزەكانى توڕەكردوە، ئامۆژگارى خۆپيشاندەران كراوە و بارودۆخەكە لەژێر كۆنترۆڵدايە.