پەیامنێرو وێنەگرێكی كەناڵی روداو لە بەغدا دەڕفێنرێن
  2020-10-17       323       

‎تۆڕی میدیایی روداو رایگەیاند، پێشنیوەڕۆی ئەمڕۆ شەممە، لكاتی روماڵكردنی سوتاندنی بارەگای پارتیدا، پەیامنێرێك و وێنەگرێكی كەناڵەكە لەلایەن هێزێكی چەكدارەوە رفێندراون.

ئاوێنە: تۆڕی میدیایی روداو لە راگەیەندراوێكدا وتویەتی: سەعات 11:00ی ئەمڕۆ 17ی ئوکتۆبەری 2020، هێزێکی چەکدار کە خۆیان بە (قوات حفظ النظام) ناساندوە، پەیامنێری تۆڕی میدیایی روداو (هەڵکەوت عەزیز) و کامێرامانی روداو (خەتاب عەجمی)یان لە بەغدا رفاند لەکاتی روماڵکردنی سوتاندنی بارەگای پارتی دیموکراتی کوردستان.

هەروەها وتوشیەتی"‎لەکاتێکدا بە توندی ئەو رفاندنەی هەردو هاوکارمان شەرمەزار دەکەین و داوای ئاشکراکردنی شوێنەکەیان و دەستبەجێ ئازادکردنیان دەکەین، لە هەمانکاتدا بە دەستدرێژییەکی زۆر گەورە و مەترسیداری دادەنێین بۆ سەر ئازادی و کاری رۆژنامەڤانی لە عێراق."

‎داواشی لە حکومەتی عێراق كردوە هەوڵی دۆزینەوە و ئازادکردنی هەردو  هاوکارەکەیان بدەن، چونکە پاراستنی گیان و ئازادی کارکردنیان بەرپرسیارێتی حکومەتە.


زۆرترین بینراو
© 2020 Awene Online, Inc. All Rights Reserved.
×