بە تەنها لە هەرێمی كوردستان هێندەی هەموو عیراق مردن بە كۆرۆنا تۆماركراوە
  2020-10-18       784       

وەزارەتی تەندروستی عیراق ئاشكرای دەكات، 3110 حاڵەتی نوێی تووشبوون بە ڤایرۆسی كۆرۆنا تۆماركراوە و 3186 كەسیش چاكبوونەتەوە و 56 كەسیش گیانیان لەدەستداوە، كە زۆرترین ژمارەی لە هەرێمی كوردستانە.

ئاوێنه‌: وەزارەتی تەندروستی عیراق لە بەیاننامەیەكدا ئاماژەی بەوەكردووە، كە لە 24 كاتژمێری ڕابردوودا 18 هەزار و 885 پشكنینی تایبەت بە كۆرۆنا ئەنجام دراوە و دەركەوتووە 3110 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

ئاشكراشی كردووە، كە زۆرینەی تووشبووەكان لە بەغدا بوون، هەروەها لە سلێمانی 240 و هەولێر 274 و دهۆك 283 حاڵەت تۆماركراوە.

ڕوونیشی كردۆتەوە، كە 3186 تووشبوو بە پەتاكە چاكبوونەتەوە، هاوكات 56 كەسیش گیانیان لەدەستداوە.

ڕوونیشی كردۆتەوە، كە بە تەنها لە هەرێمی كوردستان 32 كەس گیانیان لەدەستداوە، كە زۆرینەیان لە سلێمانی بوون.


زۆرترین بینراو
© 2020 Awene Online, Inc. All Rights Reserved.
×