مستەفا كازمی، سەرۆك وەزیرانی عێراق، ئێوارەی ئەمڕۆ یەكشەممە، بەغدای
پایتەختی بەرەو فەرەنسا بەجێهێشت و پاریس دەستپێكی ئەو گەشتە ئەوروپییەی دەبێت كە بەریتانیاو ئەڵمانیاش لە خۆدەگرێت.
ئاوێنە: بەگوێرەی راگەیەندراوێكی نوسینگەكەی، لەگەشتەكەیدا بۆ ئەوروپا،
چەند وەزیرێك و سەرۆك دەستەیەك، یاوەری مستەفا كازمی، سەرۆك وەزیرانی عێراق دەكەن.
ئاماژەی بەوەشداوە كە مستەفا كازمی لەمیانی گەشتەكەیدا دیداری لەگەڵ گەورە
بەرپرسانی فەرەنسا، بەریتانیاو ئەڵمانیا دەبێت بۆ تاوتوێكردنی پەرەپێدانی
پەیوەندییە دوقۆڵییەكان و پتەوكردنی هاریكاری هاوبەشی نێوان عێراق و ئەو وڵاتانە
لە تەواوی بوارەكاندا بەتایبەت لە بواری ئابوری و ئەمنی و تەندروستیدا ئەوەش وێڕای تاوتوێكردنی دوایین گۆڕانكارییەكانی ناوچەكەو جیهان.