ئەمشەو چوارشەممە، چەکدارانی داعش لەسنوری ناحیەی جەلەولا پەلاماری گوندێکیان داوە، سێ کەسیان کوشتوە و کەسێکیان ڕفاندوە، بەوتەی بەرپرسێکی یەکێتی تا ئێستا تەقەکردن ماوەو ئەو کەسانەی کوژراون عەرەبی شیعەن.
ئاوێنە، ئەیاد محەمەد: بەرپرسی کۆمیتەی ئازادی یەکێتی لەخانەقین خالد دارا بە ئاوێنەی ڕاگەیاند"ئەمشەو چەکدارانی داعش لە 'جسر حەلوان' لەسنوری ناحیەی جەلەولا، سێ کەسیان کوشتوە کە عەرەبی شیعەن و کەسێکیشان ڕفاندوە."
وتیشی"ئەو کەسانەی کە کوژراون کەسانی ناودارن ئەگەری هەیە ئەو چەکدارانە هەر بۆ ئەوانە هاتبێتن بیانکوژن."
هێمای بۆ ئەوەش کرد"هێشتا شەڕەکە کۆتایی نەهاتوە، ئەمە زانیاری سەرەتاییە ئاماری کۆتایی نازانرێت."
"جسر حلوان" دەکەوێتە سنوری ناحیەی جەلەولای سەربەقەزای خانەقین لەپارێزگای دیالە کە بە بەدەست هێزە عێراقیەکانەوەیە.