نوێترین بەرهەمی ئایفۆن لەئێستادا لەبازاڕەکانی سلێمانی بەردەستە و کۆمپانیای ئەسێ ئەو بەرهەمەی خستۆتە بەردەم هەوادارانی ئەو جۆرە ئامێرە.
ئاوێنە، زریان محەمەد:
باوەڕ جەمال، بەڕێوەبەری مارکێتینگ لە کۆمپانیای ئەسێ، ئەمڕۆ شەممە، لەکۆنگرەیەکی ڕۆژنامەوانیدا کە پەیامنێری ئاوێنە ئامادەی بو، رایگەیاند"لەگەڵ خستنەبازاڕی بەرهەمی نوێی ئایفۆن لە ئەمریکا کۆمپانیای ئەسێ ئەو بەرهەمەی هێناوەتە بازاڕەکانی کوردستان و لەتەواوی ناوەندەکانی دەست دەکەوێت."
راشیگەیاند" ئامێرەکە بەشێوەیەکی جیاواز دروستکراوەو تابەتمەندییەکانی لەگەڵ بەرهەمەکانی پێشوتری جیاوازە لەئێستادا هەوادارانی ئەو بەرهەمە دەتوانن دەستیان بکەوێت و بیکڕن."
لەبارەی نرخی ئامێرەکانەوە لەئێستادا، ئاماژەی بەوەدا Iphone12 63Gb بە 999 دۆلارەو Pro 256Gb بی 1445 دۆلارە.
