ئەندامێكی مەكتەبی سیاسی پارتی دیموكراتی كوردستان ڕایدەگەیەنێت ، ئەو هەواڵە ناڕاستانە، كە گوایە بەندە تووشی كۆرۆنا بووم، دەشڵێت ،”بە هیچ شێوەیەك بەركەوتەی ئەم ڤایروسە نییم”.

ئاوێنە: نوسینگەی رۆژ نوری شاوێس، ئەندامی مەكتەبی سیاسی پارتی دیموكراتی كوردستان لە ڕوونكردنەوەیەكدا بڵاویكردەوە ، سەرجەم ئەو هەواڵ ‌و زانیارییە ناڕاست‌ و هەڵبەستراوانە ڕەت دەكەینەوە و ڕایدەگەیەنین، كە بەڕێز دكتۆر ڕۆژ نوری شاوێس بە هیچ شێوەیەك بەركەوتەی ئەم ڤایروسە نییە.

دەقی رونكردنەوەكە:
ماوەیەكە لە ڕێگای سوشیال میدیا و چەند ماڵپەڕێكی فەرمی ‌و نافەرمییەوە باس لە ڕەوشی تەندروستیی هەڤاڵی بەڕێز، دكتۆر ڕۆژ نوری شاوێس، دەكرێت، كە گوایە بەهۆی ڤایرۆسی كۆڕۆنای نوێوە توشی نەخۆشی بووە.
ئێمە لەكاتێكدا سەرجەم ئەو هەواڵ ‌و زانیارییە ناڕاست‌ و هەڵبەستراوانە ڕەت دەكەینەوە، ڕایدەگەیەنین كە بەڕێز دكتۆر ڕۆژ بە هیچ شێوەیەك بەركەوتەی ئەم ڤایروسە نییە و داواش لە سەرجەم ڕۆژنامەنووسان ‌و كەناڵەكانی ڕاگەیاندن دەكەین كە پابەندی ئیتیك‌و مۆڕاڵی ڕۆژنامەنووسی بن‌و لەپێناو پاراستنی میسداقیەتی خۆیان بەر لە بڵاوكردنەوەی هەر زانیارییەك بگەڕێنەوە بۆ لایەنی فەرمی ‌و پەیوەندیدار.
نووسینگەی هەڤاڵ دكتۆر ڕۆژ نوری شاوێس
ئەندامی مەكتەبی سیاسیی پارتی دیموكراتی كوردستان
٢٤ی١٠ی٢٠٢٠