2020-10-25   450     
ئهرشیف
سهرۆكی پهرلهمانى كوردستان بانگهێشتی پەرلەمانتاران دەکات بۆ ئامادهبون لهدانیشتنی ژماره 9ی ئاسایی خولی پایزهی ساڵی دوهم لهخولی ههڵبژاردنی پێنجهمی پهرلهمانی كوردستان، لە یەکێک لە تەوەرەکاندا گفتوگۆ لەبارەی پرساندنی سەرۆک، جێگری سەرۆکی حکومەت و وەزیری دارایی و ئابوری هەرێمی کوردستان.
ئاوێنه: د.رێواز فایق، سهرۆكی پهرلهمانى كوردستان لە نوسراوێکدا بانگهێشتی گشت ئهندامانی پهرلهمان دهكات بۆ ئامادهبون لهدانیشتنی ژماره 9ی ئاسایی خولی پایزهی ساڵی دوهم لهخولی ههڵبژاردنی پێنجهمی پهرلهمانی كوردستان، لهكاتژمێر 2:00ى پاشنیوهڕۆی رۆژی سێشهمه 2020/10/27.
بەپێی کارنامەی کۆبونەوەکە، لە تەوەری یەکەمدا خوێندنهوهی یهكهم بۆ هەریەکە لە پێشنیازه یاساکانی پاراستنی تۆڕ و بنچینهكانی ئاو و ئاوهڕۆ له ههرێمی كوردستان ـ عێراق)، پێشنیازی یاسای (بهرێوهبردن و پاراستنی ئاو له ههرێمی كوردستان ـ عێراق).
لە تەوەری دوەمیشدا دانانی ئهندامی پهرلهمان (عمر عبدالله فتاح) له لیژنهی دارایی و كاروباری ئابوری به پێی حوكمی ماددهكانی (28، 34) له پهیڕهوی ناوخۆی پهرلهمانی كوردستان.
لە تەوەری سێیەمیشدا گفتوگۆی پرساندن و وهڵامهكانی (سهرۆكی ئهنجومهنی وهزیران) و جێگری سهرۆكی ئهنجومهنی وهزیران و وهزیری دارایی و ئابوری بهپێی حوكمی ماددهكانی (70، 71، 73) له پهیڕهوی ناوخۆی پهرلهمانی كوردستان.