"پارتی هێزێكی تایبەت لەگەڵ چەكی قورس رەوانەی ناوچەی گارێ دەكات"
  2020-10-25       1847       

بەپێی میدیاكانی پەكەكە، پارتی دیموكراتی كوردستان هێزێكی بەناوی "گوڵان" كە راستەوخۆ لەژێر فەرمانی مەسرور بارزانی، سەرۆكی حكومەتی هەرێمدایە، لەگەڵ چەكی قورس رەوانەی ناوچەی چیای گارێ كردوە.

ئاوێنە: بەپێی زانیاری میدیاكانی پەكەكە دوای زینێ وەرتێ، لە دوێنێ شەممەوە دەستیكردوە بە رەوانەكردنی هێزێکی تایبەتی خۆی بەناوی گوڵان کە لەژێر فەرمانی مەسرور بارزانیدایە، بۆ شارۆچکەی دینارتێ و دەشتی نەهلێ سەربە ئاکرێ لە دهۆک دەكات كە نزیكە لەناوچەی چیای گارێ كە لەژێر دەستی گەریلادایە.

میدیاكانی پەكەكە ئاماژەیان بەوەداوە كە بانگەشەی ئەوەش دەکرێت کە پارتی پێشمەرگەکانی ‘ڕۆژ’ـیشی لەگەڵ ئەو هێزە ڕەوانەی ناوچەکە کردون.

هێمایان بۆ ئەوەش كردوە كە ژمارەیەک زۆر ئۆتۆمبێلی سەربازی بێ ژمارە، چەکی قورس و ئۆتۆمبێلی تایبەتی مەدەنی براونەتە ناوچەکە و لە گوندەکانی “مەلکێ، دۆستەکا، گیسێ، مامیشمیش، گردی دینارتە، گردی مەزرینگان، گردی ناوخۆش، گردی دفری” و هەروەها گوندە ئاسورییەکان لە ناوچەی عەشیرەتی زێبارێ، دەستکراوە بە دروستکردنی سەنگەر و پەناگە.

شارۆچکەی دینارتێ و دەشتی نەهلێ، لە ڕوی ئیدارییەوە سەربە ناوچەی ئاکرێ لە پارێزگای دهۆکە، بەڵام وەک ناوچە دەکەوێتە نزیک چیای گارێ کە وەک هەرێمی گەریلا دەناسرێت.

زۆرترین بینراو
© 2020 Awene Online, Inc. All Rights Reserved.
×