باڵیۆزخانەی ئەمریكا لە بەغدا، ئەمڕۆ پێنجشەممە، وێڕای ئیدانەكردنی پەلامارەكەی داعش لە سنوری مقدادیەی سەربە پارێزگای دیالە كە تێیدا شەش كەس كوژران، دەڵێت: ئەو جۆرە پەلامارانە بەڵگەی ئەوەن كە هێشتا داعش هەڕەشەیە بۆ سەر سەقامگیری عێراق.
ئاوێنە: باڵیۆزخانەی ئەمریكا لە بەغدا، ئێوارەی ئەمڕۆ لە بەیاننامەیەكدا رایگەیاند، وڵاتەكەی بەتوندی ئیدانەی هێرشە دڕندانەكەی داعش دژبە هۆزی "بەنی كەعب" لە پارێزگای دیالە دەكات كە لەم هەفتەیەدا رویدا.
ئاماژەی بەوەشدا كە ئەم جۆرە هێرشانە بەڵگەیەكی دیكەن لەسەر كە داعش، وێڕای لاوازبونی، هێشتا هەڕەشەیە بۆ سەر سەقامگیری عێراق و ناوچەكە.
جەختیشی كردۆتەوە كە ئەمریكا بەردەوام دەبێت لە كاركردن لە پاڵ عێراقییەكان و هاوپەیمانی نێودەوڵەتیدا بۆ مسۆگەركردنی شكستی یەكجارەكی داعش.