دۆناڵد ترەمپ، سەرۆكی ئەمریكا، پشتیوانی خۆی بۆ فەرەنسا راگەیاند، ئەوەش
دوای ئەوەی ئەمڕۆ كەسێك بە چەقۆ لەبەردەم كەنیسەیەكی شاری نیس-دا سێ كەسی كوشت.
ئاوێنە: ترەمپ، ئێوارەی ئەمڕۆ لە تویتێكدا
نوسیویەتی"دڵمان لەگەڵ گەلی فەرەنسایە. لەم شەڕەدا ئەمریكا لەپاڵ كۆنترین
هاوپەیمانی خۆیدا دەوەستێت."
سەرۆكی ئەمریكا جەختی كردۆتەوە كە "دەبێت
دەستبەجێ ئەم دەستدرێژییە تیرۆریستیانەی ئیسلامییە توندڕەوەكان رابگیرێن."
وتوشیەتی"هیچ دەوڵەتێك، فەرەنسا بێت
یاخود هەر دەوڵەتێكی تر، ناتوانێت ئەو دەستدرێژییانە قبوڵ بكات."
سەرلەبەیانی ئەمڕۆ كەسێك لەبەردەم
كەنیسەیەكی شاری نیس لە فەرەنسا سێ كەسی بە چەقۆ كوشت و چەندینی دیكەی برینداركرد
بەرلەوەی لەلایەن پۆلیسەوە دەستگیربكرێت.
بەپێی میدیاكانی فەرەنسا ئەو كەسە ناوی
ئیبراهیمەو گەنجێكی تونسی تەمەن 21 ساڵانەو لەسەرەتای ئەم مانگە لەڕێگەی دورگەی
لامبیدۆسای ئیتاڵیاوە گەیشتۆتە فەرەنسا.