وەزارەتی نەوتی عێراق بڕی هەناردەو داهاتی نەوتیی مانگی رابردوی
بڵاوكردەوەو دەڵێت: لەمانگی رابردودا زیاتر لە 89 ملیۆن بەرمیل نەوت هەناردەكراوەو
داهاتەكەشی زیاتر لە سێ ملیارو 430 ملیۆن دۆلار بوە.
ئاوێنە: ئێوارەی ئەمڕۆ یەكشەممە، وەزارەتەكە لە بەیاننامەیەكدا رایگەیاند،
بەگوێرەی ئامارە سەرەتاییەكانی كۆمپانیای بە بازاڕكردنی نەوتی عێراق(سۆمۆ)، لەمانی
رابردودا 89 ملیۆن و 153 هەزارو 899 بەرمیل نەوت هەناردەكراوەو داهاتەكەشی نزیكەی سێ
ملیارو 430 ملیۆن و 630 هەزار دۆلار بوە.
ئاماژەی بەوەشداوە كە تێكڕای هەناردەی رۆژانەی نەوت لە مانگی رابردودا دو ملیۆن
876 هەزار بەرمیل بوەو تێكڕای نرخی فرۆشتنی یەك بەرمیلیش 38.480 دۆلار بوە.