2020-11-03   412     
ڕێبەری شۆڕشی كۆماری ئیسلامی ئێران ڕایدەگەیەنێت، كێ دەبێتە سەرۆی ئەمریكا بەلای ئێرانەوە هیچ جیاوازییەكی نییە.
ئاوێنه: عەلی خامەنەیی ڕێبەری باڵای شۆڕشی كۆماری ئێران ڕایگەیاند، ئەمریكا هەمان فیرعەونی میسرە كە ستەمگەرانە خەریكە شەڕ لە وڵاتانی دیكە دروست دەكات و دەستیان بەسەردا دەگرێت .
وتیشی”هەڵبژاردنی ئەمریكا و ئەوەی كێ دەبێتە سەرۆك كۆمار لەو وڵاتە پەیوەندی بە سیاسەتەكانی ئێرانەوە نییە و بۆ ئێران هیچ جیاوازیەكی نییە و ئێمە سیاسەتی خۆمان هەیە”.
ڕوونیشیكردەوە، ئەمریكا تووشی داڕمانی سیاسی و مەدەنی بووە و لە كۆتاییدا ئەو سیستەمە سیاسییەی ئەمریكا لەناودەچێت و ستەمكردن و زوڵمی ئەوان قبوڵ ناكەین و تەنیا ڕێگاچارەشی ئەوەیە بەردەوام بین لە بەرەنگاربوونەوە و خۆڕاگریمان و شكستیان پێبێنین.
ئاشكراشیكرد، تەنیا یەكگرتوویی و یەكڕیزیە كە دەرمانی دەردی ئوممەتی ئیسلامە.
ئەمڕۆ سێ شەممە هەڵبژاردنەكانی سەرۆكایەتی ئەمریكا دەستیان پێكردووە و هەڵبژاردنەكانیش لەنێوان دۆناڵد تڕەمپ و جۆ بایدن و كێبڕكێیەكی توند لەنێوانیاندا هەیە.