2020-11-06 616
جۆ بایدن
دوای ویلایەتی جۆرجیا، جۆ بایدن كاندیدی دیموكراتەكان لەویلایەتی پێنسیلڤانیاش بەنزیکەی شەش هەزار دەنگ پێش دۆناڵد ترەمپی کاندیدی کۆمارییەکان کەوتووە.
ئاوێنه: به‌پێی هه‌واڵی میدیاکانی ئەمریکا، ئێستا جۆ بایدن لەهەژماری 98%ی دەنگەکانی ویلایەتی پەنسلڤانیا، بەجیاوازی 5596 دەنگ، کەوتە پێش دۆناڵد ترەمپ.
پێنسیلڤانیا یەکێکە لەو پێنج ویلایەتەی دەنگەکانیان هێشتا بەتەواوی جیانەکراوەتەوەو خاوەنی 20 دەنگی نوێنەرانە بۆ هەڵبژاردنی سەرۆک.
هەر کاندیدێک ئەم ویلایەتە بباتەوە، ئەوا 20 دەنگی ئەنجومەنی هەڵبژاردنی ولایەتەکە مسۆگەر دەکات.
دوای پێشکەوتنی لەویلایەتی جۆرجیا، پەنسلڤانیا بو بەدوەم ویلایەت کە ئەمرۆ هه‌ینی بایدن ئەنجامەکانی تیادا ئاوەژوکردەوەو کەوتە پێش دۆناڵد ترەمپەوە.
بەگوێرەی ئەنجامەكان تاوەكو ئێستا بایدن 264 كورسی ئه‌نجومه‌نی هه‌ڵبژاردنه‌كانی بەدەستهێناوە، لەبەرامبەردا ترەمپ تاوەكو ئێستا 214 كورسی بەدەستهێناوەو وەك زانراویشە بۆ گەیشتن بەكۆشكی سپی 270 كورسی پێویستە.
هێشتا هەر پێنج ویلایەتی: ئەریزۆنا (11 كورسی)، جۆرجیا (16 كورسی)، نیڤادا (6 كورسی)، كارۆلینای باكور (15 كورسی)، پەنسلڤانیا (20 كورسی)، بەتەواوەتی بۆ هیچ كاندیدێك یەكلایی نەبونەتەوەو ژماردنی دەنگەكانیش لەو پێنج ویلایەتە بەردەوامە.
لەویلایەتەكانی ئەریزۆنا، جۆرجیا، نیڤادا، بایدن لەپێشەو لەكارۆلینای باكورو پەنسلڤانیاش ترەمپ لەپێشە.