مستەفا كازمی،
سەرۆك وەزیرانی عێراق بڕیاریدا رۆژی یەكشەممەی داهاتو دەستبكرێت بە خەرجكردنی موچەی
هەردو مانگی تشرینی یەكەم(مانگی 10) و تشرینی دوەم(مانگی 11)ی فەرمانبەران پێكەوە.
ئاوێنە: حەیدەر مەجید،
وتەبێژی ئەمیندارێتی گشتی ئەنجومەنی وەزیرانی عێراق لە بەیاننامەیەكدا رایگەیاند،
مستەفا كازمی، سەرۆك وەزیرانی عێراق فەرمانی داوە كە فەرمانگەكانی دارایی و
ژمێریاریاران لە وەزارەت و دەستەكان لە هەمو پارێزگاكان سبەی هەینی و رۆژی شەممە
دەوامی رەسمی بكەن.
ئاماژەی بەوەشداوە كە ئەوەش لەپێناو
ئامادەكردنی لیستی خەرجكردنی موچەی فەرمانبەران بۆ هەردو مانگی تشرینی یەكەم و
تشرینی دوەم و ناردنی بۆ وەزارەتی دارایی تا رۆژی یەكشەممە بەمەبەستی خەرجكردنی
موچەكان.