2020-11-15 473
راوێژکاى پێشوى ئاسایشى نەتەوەیى ئەمەریکا هۆشدارى دەدات لەوەى کە دۆناڵد ترەمپ دان بەشکستکەیدا نانێت و بە ئاسانى دەسەڵات جێناهڵێت، ئەنجامدانى ساختەکاریش لە هەڵبژاردنى سەرۆکایەتى ئەمەریکادا رەت دەکاتەوە.
ئاوێنه: لەچاوپێکەوتنێکیدا لەگەڵ تۆڕى هەواڵى ( سى، ئێن، ئێن) جۆن بۆڵتن، راوێژکارى پێشوى ئاسایشى نەتەوەیى ئەمەریکا رایگەیاند، زۆربەى خەڵک هیوادەخوازن یان پێیانوایە کە ترەمپ درک بەوە دەکات کە هەڵبژاردنى سەرۆکایەتى دۆڕاندوە و بەئارامى کۆشکى سپى جێدەهێڵێت، بەڵام مەترسى ئەوەش هەیە کاردانەوەیەکى پێچەوانە بنوێنت، بەهێمنى دەسەڵات بۆ بایدن جێنەهێڵێت.
سەبارەت بەئەنجامدانى ساختەکاریش لەهەڵبژاردنى سەرۆکایەتى ئەمەریکادا جۆن بۆڵتن رایگەیاند، لەسەرەتاى دەستپێکردنى هەڵبژاردنەوە گوێبیستى ئەوە بوین کەبەڵگەى زۆرهەیە سەبارەت ئەنجامدانى ساختەکارى و پیلانگێرى، بەڵام پێموانیە شتێکى وا رویدابێت.