وەزارەتی تەندروستی توركیا ئاشكرایكرد،
لەماوەی 24 سەعاتی رابردودا، چوار هەزارو 215 كەسی دیكەی توشی كۆرۆنا بون و 116
توشبوش گیانیان لەدەستداوە.
ئاوێنە: وەزارەتەكە، ئەمشەو چوارشەممە، لە
راگەیەندراوێكدا ئاشكرایكرد: لە ماوه‌ی ٢٤ سەعاتى رابردودا، ١٥٨ هەزار و ٨١١ پشكنينى کۆرۆنا ئەنجامدراون و دەرەنجام چوار هەزار و
٢١٥ حاڵەتى نوێى توشبون و ١١٦ گيانلەدەستدان بەهۆی ڤایرۆسەکەوە تۆماركراون.
هەر بەپێی ئامارەكەی وەزارەتی تەندروستی
توركیا لەماوەی
24 سەعاتی رابردودا دو هەزار و ٥٩٢ توشبوی كۆرۆنا چاكبونەتەوەو كۆى گشتيى ئەو توشبوانەى كە چاكبونەتەوە
گەیشتۆتە ٣٦١ هەزار و ٦٥٥ کەس.
بەپێی ئامارەكە، تاوەكو ئێستا لە توركیا ٤٢٥ هەزار و ٦٢٨ كەس توشی كۆرۆنا بون و
١١ هەزار و ٨٢٠ توشبو گیانیان لەدەستداوەو ئەو توشوانەی لە ئێستادا دۆخى تەندروستييان
ناجێگيرە سێ هەزار و ٧٤٢ نەخۆشن.