كشانەوەی ھێزە ئەمریکییەکان لە عێراق دەست پێدەكات
  2020-11-21       248       

فەرماندەیی ئۆپەراسیۆنە هاوبەشەکانی عێراق، کشانەوەی هێزەکانی ئەمەریکای پشتڕاست کردەوە و رایدەگەیەنێت ئەمە بەپێی رێككەوتنی نێوان بەغدا و واشنتنە.

ئاوێنه‌:  لیوا تەحسن خەفاجى، گوتەبێژى فەرماندەى ئۆپراسیۆنە هاوبەشەکانى عێراق رایگەیاند: کشانەوەى هێزەکانى ئەمەریکا دەستپێکرد و لە قۆناغی یەكەمدا 500 سەربازی ئەمەریكا عێراق جێدەھێڵن، ئەمەش بەگوێرەى رێککەوتنى نێوان بەغدا و واشنتن بەڕێوەدەچێت.

خەفاجی ئاماژەی بۆ ئەوەش کرد، بەپێی ئەو خشتەیەی لەلایەن بەغدا و واشنتن دانراوە، کشانەوەى هێزەکانى ئەمەریکا زۆرى پێناچێت و لەماوەیەکی کورتدا کۆتایی دێت.

پێشتر وەزارەتی بەرگری ئەمەریكا لە 17/11/2020 رایگەیاندبوو، پێش تەواوبوونی ماوەی سەرۆكایەتی دۆناڵد ترەمپ، ئەمەریكا 2000 سەرباز لە ئەفغانستان و 500 سەرباز لە عێراق دەكشێنێتەوە.

زۆرترین بینراو
© 2020 Awene Online, Inc. All Rights Reserved.
×